Ek se hai

Ek se hai

Panchi nadiyan chand sitare ek se hai,

yaani saare ishq ke maare ek se hai...

Sagar hoon mein, jaau kis or, lehre lekar,

Mere liye to dono kinare ek se hai...

Ho chandan ya ho koi chita ki lakdi,

Doobte hue ko saare sahare ek se hai...

toote hue dil ke dilwale se pucchte kya ho,

Uske liye to patjhad bahare ek se hai...

Saare ghum ko aansu barabar mein deta hoon,

Mere liye to naye purane ek se hai...

Ginti karo to shayad tumhe pata chalega,

Mere aansu aur ye taare ek se hai...

Ghum to aakhir ghum hota hai, ghum ka kya hai,

Zakhm to aakhir mere tumhare ek se hai...

- Priyank "Benaam" Shah