KYA YAHI PYAR KEHLATA HAI?

KYA YAHI PYAR KEHLATA HAI?

Lehro ko to yeh pata hai,

ke kinare se milkar woh beh jaayegi,

Phir samundar mein pighalkar woh reh jaayegi,

Apne astitva ko daav par lagaakar,

kyun lehro ko kinara bhata hai?

Kya yahi pyar kehlata hai?

Parwana kyun shama ke,

chaaro aur mandarata hai?

usko shama mein aisa kya bhaa jaata hai?

Yeh jaankar ki saamne anth hai,

parwana shama ko gale lagaata hai,

Kya yahi pyar kehlata hai?

Mom sab kucch jaankar bhi,

baati ko apni dil mein basaati hai,

aur baati ke saath woh khud bhi pighal jaati hai,

koi nahi jaanta hai,

kya mom aur baati ka naata hai?

kya yahi pyar kehlata hai?

kyun baarish ki yeh boonde,

Dharti ko milne ki chah mein itraati hai,

Khud ko mita ke woh dharti ke dil mein bas jaati hai,

khud ko dharti ke hawaale dekar,

Saawan bhi kya pata hai?

kya yahi pyar kehlata hai?

Unki yaad ke bina ek saans bhi,

ab to hume Gunaah lagti hai,

Unke ghamo ko humari aanko mein panaah milti hai,

Unke ke bina jab zindagi ko,

Koi "Benaam" hi bataata hai,

kya yahi pyar kehlata hai?

- Priyank "Benaam" Shah